Conte La Sacharruna en Kichwa. Escuela 11 Octubre

SACHARRUNA

Quito villa kuchullapimi, San Isidro HUYACHUL nishaka ayllu llaktapimi kayka tukushka.
Ñuka mama, yayapak jatun mama, jatun yayami kayta parlaska.
Mamanta zapalla wawakunamanta llakita parlashka, chay wawakunaka paykunapak yayawan lamamawanmi kawsahkakuna
chay ayllu llaktapika ashalla wasikunami tiyashka, ashpa pata, ukshawan khatachishka, kaspi punku wasikunami kashka
Chay pacha wawakunaka achka manchaywanmi kawsashkakuna yachana wasi mana tiyashkachu ayllu llaktapika, chaymanta CANGAHUA nishka llaktaman yachankapak rirkakuna.
Urkukuna, waykukuna, chakiñankunata, takshana mayuta yallishpa rirkakuna.
Felipe Serafina wawakunaka ukta pichka pacha pakarinpak hatarishpa lamamata yanapankapak, wakrata kapinaman llukshirkakuna.
Paykunapak yaya Rafael kuchulla haciendapi wasipunkupi llankak, chishimanmi shutinata yachashka.
Felipe Serafina wawakunaka imata mana mikushpami yachana wasimanka rikunakashka, paykunapak lamama achka hirami kashka.
wakinpika chakiñanmanta llukshishpami urkuman yaykushpa muyukunata mashkanaman mikunkapak.
Shuk punllaka uksha wasipi kuwsak sacharruna warmipakmanmi chayarkakuna.
Parluka ninmi kay warmika chinkarishka wawakunata tarishpa paypak wasiman apashpa ñawi lulunkunata llukchishpa mikuhashka.


Felipe Serafina wawakunaka chay wasiman chayashkakuna, chay warmika may allitami wawakunataka chaskishka,allita karashpaka nishkami kutin tikramunkichiklla.
wawakunaka tawka punllakunatami yachana wasimanka mana rishkakuna, chaymantami yachachika sustarishpa yayata kayanaman kachashka.
Yayaka achkata piñarishpami tapushka, imamantatak mana yachana wasimanka illarkakuna, lamamaka ashtawanpish chayta rikushpa yuyarkami,alli pachami chay wawakunata mayta shitakrinata.
chaymantami kusata nirka, shuk sakupi wawakunata satishpa shitakri nirkami,mana chayta rurakpika shitashpami risha nishkami.
wawakunapak yayaka paypak warmi nishkatami rurashka, urku chawpiman pushashpa, shuk yurapimi warkushpa, hatun khakha patapimi sakishka
Tutayakpika wawakunapak kaparikunata uyashpami sacharruna warmika paykunata yanapanaman rishka,paypak uksha wasiman pushashpa kararka, kipata wawakunata mikunkapak.
Pedro nishka runaka yantakunata tantashpa purikushpami wawakunapak kaparishkata uyashpa chay wasiman yaykurka wawakunata kishpichinkapak, chay mana alli warmimanta.
Pedroka paypak rikrapi wawakunataka paypak ayllupak wasiman pusharka, chaypimi kushilla kuyaywan, wiñarkakuna , kawsarkakuna sumakta.

Cap comentari:

Publica un comentari a l'entrada